Çrregullimet e gjëndrës tiroide, simptomat dhe trajtimi

Javën e kaluar, në Qendrat për Angazhimin e Komunitetit-QAK në Prizren, Mitrovicë Jugore, Istog, Malishevë dhe Klinë, u zhvillua eventi në të cilin u diskutua për sëmundjet e gjëndrës tiroide, respektivisht për “Çrregullimet e gjëndrës tiroide, simptomat dhe trajtimi.” Ngjarja tërhoqi një numër të madh grave të interesuara për këtë çështje të rëndësishme për shëndetin e tyre.

Mjekja ofroi informacion të vlefshëm për çrregullimet e tiroides dhe shqyrtoi trajtimet më të fundit rreth menaxhimit të këtyre çrregullimeve. Pjesëmarrëset mësuan si të identifikojnë simptomat kryesore, përfshirë lodhjen, ndryshimet e papritura në peshë dhe ndryshimet në humor – shenja që mund të sinjalizojnë probleme me tiroiden.

Dy pyetje që shpesh u ngritën ishin: “Si mund ta kuptoj nëse tiroidja ime nuk funksionon si duhet?” dhe “Cilat janë trajtimet më të fundit?” Mjekja i sqaroi simptomat dhe ofroi informacion të detajuar mbi mjekimin e shëndetit të tiroides.

Ishte inkurajuese të shihje kaq shumë gra që morrën informata dhe njohuri të vlefshme për tu kujdesur shëndetin e tyre.