Eventi i dytë në Qendrën e Angazhimit të Komuniteteve në Komunën e Malishevës

Në Malishevë u mbajt eventi i dytë, i organizuar nga Qendra për Angazhimin e Komuniteteve (QAK). Eventi me temën ” Aplikimi për Skemën e Granteve dhe Hapja e Biznesit” mblodhi si pjesëmarrëse gra të moshave të ndryshme, nga Malishevë dhe zonat përreth.

U diskutua se si aplikuesit duhet të përmbushin kriteret dhe kërkesat e përcaktuara nga skemat e granteve, në mënyrë që të shtojnë mundësitë e tyre për të përfituar nga ndihma financiare dhe pastaj për të nisur apo zgjeruar bizneset e tyre.

Në QAK Malishevë planifikohen të organizohen ngjarje me tema të ndryshme edhe në të ardhmen.

Inkurajohen gratë e të gjitha komuniteteve që jetojnë në Malishevë dhe komunat përreth, që të marrin pjesë, me qëllim të zgjerimit të njohurive të tyre në lidhje me temat që do të trajtohen në QAK.

Pjesëmarrja në aktivitetet e organizuara në QAK Malishevë është pa pagesë.