Eventi i parë në Qendrën e Angazhimit të Komunitetit në Malishevë

Më 14 dhjetor 2023, në Qendën për Angazhimin e Komuniteteve (QAK) në Malishevë u mbajt takimi i parë me gratë, në të cilën është diskutuar tema “Dhuna në familje, parandalimi i dhunës në familje dhe pasojat e dhunës ndaj fëmijëve”. Në diskutimin interaktiv mes ligjërueses dhe pjesëmarrëseve, u theksua fakti që parandalimi i dhunës në familje është një proces kompleks dhe kërkon angazhim të përbashkët nga individët, shoqëria, organizatat dhe autoritetet.

Takime të ngjashme, por me tema të tjera, do të organizohen në vazhdimësi. Takimi vijues do të fokusohet në temën “Aplikimi në skema të granteve dhe krijimi i biznesit” dhe do të zhvillohet më datë 21.12.2023, duke filluar në ora 13:00.

Inkurajojmë gratë nga të gjitha komunitetet që jetojnë në Malishevë dhe komunat përreth, të marrin pjesë me qëllim që të zgjerojnë njohuritë e tyre në lidhje me këtë temë.

Pjesëmarrja në aktivitetet e organizuara në QAK Malishevë është pa pagesë.