Projekti Integra mbështet bizneset që sjellin inovacion

Cube Designers L.L.C, e themeluar nga sipërmarrësi i ri Kreshnik Gashi pas riatdhesimit të tij nga Gjermania, është një biznes i suksesshëm i njohur për dizajnimin dhe shtypjen e produkteve të personalizuara. Me fokus në cilësinë dhe novacionin, kompania ofron kartvizita, ftesa, sticker-a dhe shumë të tjera.

Përmes grantit nga programi i punësimit të lehtësuar, Cube Designers L.L.C ka përfituar pajisje të avancuara, ka punësuar një punëtore shtesë dhe ka përmirësuar kapacitetin prodhues, duke ofruar shërbime cilësore.

Cube Designers L.L.C gjithashtu ka zgjeruar shërbimet e saj ndërkombëtarisht, duke punuar me një kompani në Zvicër.

Projekti Integra është krenar të mbështesë biznese që kontribuojnë në zhvillimin e ekonomisë lokale dhe krijimin e mundësive për punësim, rritje dhe sukses!